3V 拍後感

最近，睇咗好多影咗PRE WEDDING嘅BLOG，當然係3V嘅現有顧客啦。 發現自己寫少個詳細嘅拍後感。

等我描述返當時嘅情況比大家知啦。

拍攝前一晚，我地執好晒第二日嘅行裝 (大概係︰我嘅靚靚新娘鞋仔、結婚鬆弛熊一對、DAVID嘅新皮鞋)，之後我地稔住早啲瞓，大約10點就撻咗落床瞓， 點知我喺張床度一粒鐘都未瞓得著。  之後迫自己合埋對眼，應該瞓到啦掛， 點知，真係精神到嘔，我雖然合埋咗眼瞓教，但係係無乜點瞓過。於是，第二朝就5.30 起咗身，預備出門口上深圳去。  由於我唔洗化妝，佢唔洗GEL頭，所以大家好快就出得門口。

 落到樓見到天矇光，真係難得，未試過咁早出門口，呢個時候，我地都係決定撘的士去火車站，再喺麥當奴食早餐。  食得好快，食咗個豬柳旦漢堡+焦糖咖啡。 再步行去搭火車。

 

喺車度又瞓唔著，可能太攰，我已經瞓唔著，一個接住一個站，終於到了羅湖火車站，再轉深圳地鐵往國貿站，我們遲了一點點，約了7.30 AM到達，我們大約7.45 AM 才到達。

 

隨即，助手 “可可” 為我先換上第一件婚紗，之後由MUA 化妝師 “葉子” 為我上妝！！！葉子化妝所用的時間很少，我們大約八點九便出發往東部華僑城，出發前，我當然要搽一啲防灑打底，當日都比較灑！！

 

出發囉，往東部華僑城出發去啊。

 

我們上到3V所預備接送嘅VAN仔，車上有我們二人、司機、攝影師阿文、燈光師阿豪、助手可可及MUA 葉子！！！

 

由於當日是10月1日即係國慶日，我們卻擔心會否塞車呢？ 幸好，前往目的地那一刻又沒有塞車這回事喔!!! 真幸運。

 

第一站是在︰小教堂、日本北海道花田

影第一站的時候，真的比較熱和灑，不過沒有辦法，為了能拍出美麗的照片，唯有心靜自然涼， 可可不停為我們二人擦汗，幸好，由於東部華僑城是位於山上，所以都有啲風，入到小教堂就更加涼爽，文哥好專業，每一個角度都令人滿意，影了好幾張的時候，總會給我們看看，令我們有種望回止渴的感覺。之後我地就步行去有富良野之稱號嘅花田。 那片花田實在令我大開眼界，很美麗啊，想不到這個地方是那麼特別。  我們停留在這個花田的範圍內拍了很久，或許因為很曬，所以試了很多張。 途中，有很多途人手執相機向著我們拍照，換轉是香港，一定沒有這個情況啊。

 

拍完了花田後，我們便返回我們的化妝間，轉妝+換裙，同埋食咗少少包!!! 這次由婚紗換了一件紫的晚禮服，第二站去了意大利風情的小鎮。第二個景點真的很有意式風情!!

 

第三站就穿了一條深藍色的晚禮服，步行前往茶溪谷、古道茶園、蘇州閣樓、竹林、吊橋!!!!  那個地方，有很多工作人員裝作銅人，他們蠻利害啊，動也不動。 如果他們不是在眨眼，我以為他們是銅像擺設。  令我最害怕的還是踏足吊橋的一刻，因為這條橋會在動。  每次只能放50人過橋。  幸好，可可告訴我，一般不會行到吊橋的中間，只會行十至二十步以內，拍吊橋的時候，文哥是瞓在反光板上，然後叫我們 “中前去” ，我估計佢會影晒全條橋連天空啊。  怕完吊橋回程時，太陽剛剛在落山， 文哥再為我們拍一張逆光的照片，原來反光板的威力是這樣大喔, 這張相應該好美!!!!!

 

還有最後一個景點，就是回程去3V的攝影棚影內景吧!!!! 可可先為我換上粉黃色的裙子，然後MUA葉子為我補妝，及SET了一個取時很久的髮型，首先將我的頭髮夾鬈，再GEL，然後將我的長頭髮變成好像未到膊頭的短頭髮。 SET頭途中得知，原來葉子是3V裡最有名氣的MUA啊。她真的好利害啊。 常常得到公司的奬金。

 

之後我們就走去他們的攝影棚開始拍照了, 裡面的冷氣非常冷喔。但是可可都走過來幫我擦汗，服務態度非常好啊。值得一讚

 

最後這個景點我也很滿意喔，因為文哥以韓式主題為主。

 

結論，全輯相都好滿意啊。無論係攝影師、MUA、打燈師嘅技術同埋助理可可嘅服務態度都係一流。  期待著睇相嘅一刻。 等我到時偷影少少比大家睇先 X””DDDDDDD